2019 жылдың 23 мамырында “Әлем” балалар-жасөспірімдер орталығындағы мектеп жасына дейінгі балаларға арналған “Балдырған” тұлғаны дамыту клубында (жетекшісі Хамзина .Ж.Х.) “Ғажайып білім әлемі” атты ертеңгілік өтті. Балалар білім әлеміне саяхатқа шығып, әр түрлі аялдамаларда сынақтан өтіп, тапсырмаларды орындап, ағылшын тілінде ән айтып, би билеп, жыл бойы алған білімдерін көрсетті. Мереке соңында тәрбиеленушілер дипломмен марапатталып, тәтті сыйлықтарға ие болды. Аталған шараға немересін ертіп келген қария өз батасын беріп, күзде мектеп табалдырығын аттайтын балаларға оқуда озат, егеменді еліміздің білікті азаматтары болуды тіледі.
